តើពួកយើងជ្រើសរើសបេក្ខជន IT Academy STEP ដ៏ល្អម្នាក់បានដោយរបៀបណា? សូមពិនិត្យមើលអត្ថបទនេះដើម្បីដឹងថាអ្នកបានត្រៀមខ្លួនរួចរាល់ហើយឬនៅដើម្បីចូលរួមជាមួយពួកយើង!
សិស្សអាចចូលរៀននៅសាលា IT Academy STEP ដោយមិនចាំបាច់មានប្រវត្តិសិក្សាផ្នែកព័ត៌មានវិទ្យាពីមុនមកទេ។ ពួកយើងមិនរំពឹងថាបេក្ខជនត្រូវមានចំណេះដឹងនៅក្នុងវិស័យ សរសេរកម្មវិធី អាយធី ឬការរចនានោះដែរ។ ប៉ុន្តែដើម្បីចូលរៀននៅសាលា IT Academy STEP យើងមានលក្ខខណ្ឌនិងតម្រូវការមួយចំនួន ដែលពួកយើងនឹងធ្វើឱ្យប្រាកដថាដំណើរការសិក្សារបស់អ្នកនឹងប្រព្រឹត្តទៅយ៉ាងជោគជ័យ។ នៅក្នុងអត្ថបទនេះយើងនឹងពន្យល់ថាតើអ្នកត្រូវមានចំំណេះដឹងអ្វីខ្លះដើម្បីចាប់ផ្តើមសិក្សានៅ IT Academy STEP Cambodia ដោយគ្មានឧបសគ្គ។
អ្នកជាមនុស្សសកម្មក្នុងការប្រើប្រាស់កុំព្យូទ័រ
អ្នកអាចកំពុងប្រើប្រាស់កុំព្យូទ័រយ៉ាងសកម្មមែន ប៉ុន្តែមិនមែនសំរាប់តែការលេងហ្គេម ប្រើប្រាស់ហ្វេសប៊ុក ឬមើលវីដេអូនៅក្នុងយូធ្យូបប៉ុណ្ណោះទេ។
បើអាចអ្នកគួរតែ:
- វាយអក្សរជាភាសាអង់គ្លេស
- ធ្វើការជាមួយប្រព័ន្ធប្រតិបត្តិការទំនើបដូចជា Windows 10 or Mac OS X
- ធ្វើការដោយសេរីជាមួយ files និង folders
- ប្រើកម្មវិធី Internet browsers និង search engines
- ព្យាយាមធ្វើការជាមួយអ៊ីម៉ែល
ប្រសិនបើចម្លើយរបស់អ្នកវិជ្ជមាន នោះមានន័យថាអ្នកអាចឆ្លងផុតដំណាក់កាលដំបូងហើយ! អ្នកឈានបានមួយជំហានខិតទៅរកភាពជាបេក្ខជនដ៏ប្រពៃរបស់ IT Academy STEP Cambodia ហើយ!
យ៉ាងហោចណាស់អ្នកមានកំរិតមូលដ្ឋានគ្រឹះភាសាអង់គ្លេស
មេរៀននៅក្នុងសាលា IT Academy STEP Cambodia ត្រូវបានបង្រៀនទាំងជាភាសាខ្មែរនិងអង់គ្លេស។ ប៉ុន្តែសំរាប់ភាសាprogramming ពាក្យគន្លឹះនិងកម្មវិធីដែលប្រើប្រាស់ក្នុងដំណើរការសិក្សាសម្រាប់អ្នកសរសេរកម្មវិធីនិងអ្នករចនា ចាំបាច់ត្រូវតែប្រើពាក្យបញ្ជាជាភាសាអង់គ្លេស។ ស្ទើរតែទូទាំងពិភពលោកយើងនេះហើយដែលវិស័យព័ត៌មានវិទ្យាត្រូវបានបង្កើតឡើងជាភាសាអង់គ្លេស។ ហេតុដូច្នេះយើងសូមផ្តល់អនុសាសន៍យ៉ាងមុតមាំថា សិស្សរបស់យើងត្រូវចេះភាសាអង់គ្លេសយ៉ាងហោចណាស់នៅកម្រិតមូលដ្ឋានហើយក៏ត្រូវបន្តការសិក្សាភាសាអង់គ្លេសបន្ថែមទៀតដើម្បីពង្រឹងជំនាញអក្សរសាស្ត្រ ដើម្បីងាយស្រួលធ្វើការជាមួយsoftware ហើយក៏សម្រាប់ការអភិវឌ្ឍអាជីព ឱ្យរីកចម្រើនផងដែរ។
កំរិត“ មូលដ្ឋាន” គឺគ្រប់គ្រាន់សំរាប់ទំនាក់ទំនងគ្នាជាភាសាអង់គ្លេសប្រចាំថ្ងៃបាន។ ឧទាហរណ៍:ប្រសិនបើអ្នករស់នៅបរទេសអ្នកអាចសាកសួរអ្នកស្រុកក្នុងតំបន់ទាក់ទងពីផ្លូវធ្វើដំណើរ ធ្វើការទិញទំនិញឬក៏កក់បន្ទប់សណ្ឋាគារ។ល។
ប្រសិនបើអ្នកអាច:
- យល់ពីសញ្ញានិងការប្រកាសនៅកន្លែងសាធារណៈឬនៅតាមផ្លូវ
- អានយល់ព័ត៌មានទូទៅនិងអត្ថបទផ្សេងៗ
- សរសេរសំបុត្រសាមញ្ញផ្ទាល់ខ្លួនមួយទៅកាន់មិត្តភ័កិ្ត
- អាចនិយាយនិងសរសេរអត្ថបទខ្លីៗមួយអំពីខ្លួនឯង ចំណង់ចំណូលចិត្តគ្រួសារ ឬក៏ផ្ទះ
- បំពេញទិន្នន័យផ្ទាល់ខ្លួនដែលសាមញ្ញបាន
- ពិពណ៌នាអំពីថ្ងៃធ្វើការនិងវិស្សមកាលចុងសប្តាហ៍របស់អ្នកបានដោយងាយស្រួល
- និយាយអំពីប្រធានបទសាមញ្ញៗប្រចាំថ្ងៃ
- ឆ្លើយសំណួរងាយៗជាមួយប្រធានបទដែលធ្លាប់ស្គាល់
.. អ្នកកំពុងស្ថិតនៅដំណាក់កាលទីពីរហើយ! អស្ចារ្យណាស់! អ្នកជិតធ្វើបានហើយ!
អ្នកស៊ាំជាមួយគណិតវិទ្យា
សម្រាប់សិស្សជាច្រើនគណិតវិទ្យាហាក់ដូចជាមុខវិជ្ជាវិទ្យាសាស្ត្រដែលពិបាកយល់ណាស់។ ប៉ុន្តែនៅក្នុងផ្នែកព័ត៌មានវិទ្យានិងជាពិសេសការសរសេរកម្មវិធី គណិតវិទ្យាកំពុងតែដើរតួនាទីយ៉ាងសំខាន់។ មូលហេតុនេះហើយ បានជាការយល់ច្បាស់ពីក្បួនដោះស្រាយបញ្ហានៅកម្រិតមូលដ្ឋានគឺពិតជាមានភាពចាំបាច់ណាស់សម្រាប់អ្នកអភិវឌ្ឍន៍កម្មវិធីដែលមានសម្ថភាព និងអ្នកឯកទេសខាងព័ត៌មានវិទ្យា។ នៅពេលដែលអ្នករៀនprogrammingបានកាន់តែច្រើន អ្នកនឹងឃើញថាគណិតវិទ្យាជាច្រើនទំរង់ត្រូវបានយកទៅអនុវត្តតាមផ្នែកផ្សេងៗគ្នា។ ឧទាហរណ៍: សម្រាប់ម៉ាស៊ីនរៀនដោយខ្លួនឯង អ្នកត្រូវការចេះស្ថិតិគណិតវិទ្យា។ ដើម្បីអភិវឌ្ឍហ្គេម គេត្រូវការធរណីមាត្រនិងត្រីកោណមាត្រ។ ដើម្បីធ្វើការជាមួយទិន្នន័យ អ្នកត្រូវការប្រើទ្រឹស្តីប្រូបាប៊ីលីតេនិងការវិភាគគណិតវិទ្យា។ ប៉ុន្តែជំនាញទាំងអស់នេះត្រូវបានបញ្ចូលទៅក្នុងកម្មវិធីវិជ្ជាជីវៈរួចរាល់ហើយ។ ដើម្បីសិក្សាមុខជំនាញវិជ្ជាជីវៈអាជីព“Software Development” នៅសាលា IT Academy STEP Cambodia អ្នកត្រូវចេះគណិតវិទ្យាស្មើនឹង កម្រិតថ្នាក់ទី១១នៃកម្មវិធីសិក្សារបស់សាលា។ ចំណែកឯមុខជំនាញវិជ្ជាជីវៈអាជីព “Computer Graphics and Design” វិញ គណិតវិទ្យាមិនសំខាន់ខ្លាំងទេសំរាប់មុខវិជ្ជានេះប៉ុន្តែយើងក៏សូមណែនាំឱ្យអ្នកគួរតែចេះខ្លះដែរ។
បន្ទាប់ពីអានអត្ថបទខាងលើហើយតើអ្នកយល់យ៉ាងណាដែរ? តើអ្នកអាចបំពេញតម្រូវការទាំង៣ចំណុចខាងលើបានដែរឬទេ? ប្រសិនបើមានគ្រប់លក្ខខណ្ឌហើយ អញ្ចឹងកុំរង់ចាំទៀតអី ចុះឈ្មោះចូលរៀននៅសាលា IT Academy STEP Cambodia ទាំងអស់គ្នា!
