ចាប់ផ្តើមជំហានដំបូងក្នុងវិស័យបច្ចេកវិទ្យា ជាមួយថ្នាក់ថ្មីរបស់យើង៖ ថ្នាក់មូលដ្ឋានកុំព្យូទ័រ

បើអ្នកតែងតែចង់រៀនប្រើកុំព្យូទ័រ ប៉ុន្តែមិនដឹងត្រូវចាប់ផ្តើមពីណាទេ ថ្នាក់នេះសម្រាប់អ្នកហើយ!
IT Academy STEP Cambodia កំពុងផ្ដល់ជូននូវថ្នាក់មូលដ្ឋានកុំព្យូទ័ររយៈពេល ៨ សប្ដាហ៍ សមរម្យសម្រាប់អ្នកចាប់ផ្តើម និងបង្រៀនជាភាសាខ្មែរ។

ហេតុអ្វីកុំព្យូទ័រជាជំនាញសំខាន់?
ក្នុងសម័យបច្ចុប្បន្ននេះ ជំនាញប្រើកុំព្យូទ័រមិនមែនជាជម្រើសទៀតទេ តែគឺជាជំនាញចាំបាច់។ មិនថាអ្នកកំពុងស្វែងរកការងារ រៀនមុខវិជ្ជាថ្មី ឬចង់ចូលរួមជាមួយពិភពបច្ចេកវិទ្យាទេ ការមានជំនាញឌីជីថលគ្រប់គ្រាន់អាចបើកផ្លូវឱ្យអ្នកទៅរកឱកាសថ្មីៗបានជាច្រើន។

ហេតុនេះហើយដែលធ្វើឱ្យវិទ្យាស្ថាន IT Academy STEP Cambodia មានកិត្តិយសក្នុងការថ្នាក់ថ្មីសម្រាប់អ្នកចាប់ផ្តើមដំបូង៖ ថ្នាក់មូលដ្ឋានកុំព្យូទ័រ រយៈពេល ៨ សប្ដាហ៍ ដែលត្រូវបានរចនាជាពិសេសសម្រាប់អ្នកដែលមិនទាន់ស្គាល់កុំព្យូទ័រឬមានការស្ទាក់ស្ទើរក្នុងការប្រើឧបករណ៍ឌីជីថល។

ថ្នាក់នេះសមស្របបំផុតសម្រាប់អ្នកមានគម្រោងចង់ចូលរៀនជំនាញ Software Development ឬ Graphic Design ប៉ុន្តែពុំទាន់មានជំនាញគ្រប់គ្រាន់ក្នុងការប្រើកុំព្យូទ័រនៅឡើយ។

តើវគ្គសិក្សានេះនិយាយអំពីអ្វី?
ថ្នាក់នេះបង្រៀនជាភាសាខ្មែរ និងរចនាឡើងដើម្បីឱ្យមានភាពងាយស្រួលក្នុងការស្វែងយល់ និងអនុវត្តជាក់ស្តែង។ អ្នកនឹងចាប់ផ្តើមពីកម្រិតមូលដ្ឋាន ដូចជា៖

ស្គាល់ពីផ្នែកផ្សេងៗនៃកុំព្យូទ័រ

• ដំឡើងកម្មវិធី
• រៀបចំឯកសារ
• ប្រើកម្មវិធី Microsoft Word, Excel, PowerPoint និង Google Docs
• ប្រើអ៊ីនធឺណិតឱ្យមានសុវត្ថិភាព
• គ្រប់គ្រងអ៊ីមែល និងការពារខ្លួនពីល្បិចបន្លំតាមអនឡាញ
• ស្គាល់ពី Cloud Storage (Google Drive, OneDrive)
• អនុវត្តន៍ជាមួយកម្មវិធីរចនាសាមញ្ញដូចជា Canva
• ទទួលបានការណែនាំបឋមអំពីបច្ចេកវិទ្យាថ្មីៗដូចជា AI

នៅពេលបញ្ចប់ អ្នកនឹងធ្វើគម្រោងតូចមួយ ដើម្បីបង្ហាញពីអ្វីដែលបានរៀនតាមរយៈ Digital Portfolio ផ្ទាល់ខ្លួន។

តើអ្នកណាដែលគួរចូលរួម?
ថ្នាក់នេះសមស្របសម្រាប់៖

• អ្នកដែលមិនទាន់មានបទពិសោធន៍ប្រើកុំព្យូទ័រ និងចង់បង្កើនទំនុកចិត្តរបស់ខ្លួន
• អ្នកមានគម្រោងរៀនបន្ថែម ឬស្វែងរកការងារ ដែលត្រូវការជំនាញមូលដ្ឋានកុំព្យូទ័រ
• អ្នកចង់ចូលរៀនកម្មវិធីវិជ្ជាជីវៈរបស់យើង ហើយចង់មានមូលដ្ឋានបច្ចេកវិទ្យាដែលខ្លាំងជាមុនសិន

បើអ្នកធ្លាប់មានអារម្មណ៍ស្ទាក់ស្ទើរនៅពេលប្រើកុំព្យូទ័រ ថ្នាក់នេះគឺជាជម្រើសដ៏មានសុវត្ថិភាព ជួយផ្តល់កម្លាំងចិត្ត និងមានរចនាសម្ព័ន្ធល្អសម្រាប់ការរៀនរបស់អ្នក។

ពេលវេលា និងទីតាំងសិក្សា
ថ្នាក់សិក្សានឹងចាប់ផ្ដើមពី ថ្ងៃទី ៣១ ខែឧសភា ដល់ ថ្ងៃទី ១៩ ខែកក្កដា។ រៀនរៀងរាល់ថ្ងៃសៅរ៍ ពេលព្រឹក ម៉ោង ៨:៣០ ដល់ ១១:២០ នៅសាខាទួលគោក (បន្ទប់ IBM ជាន់ទី១)។ វគ្គសិក្សានេះមានរយៈពេល ៨ សប្ដាហ៍ បង្រៀនជាភាសាខ្មែរ ១០០% ហើយមានតម្លៃត្រឹមតែ ១២០ ដុល្លារប៉ុណ្ណោះ។

ចុះឈ្មោះឥឡូវនេះ!
កន្លែងមានកំណត់ ហើយថ្នាក់នឹងចាប់ផ្តើមក្នុងពេលឆាប់ៗនេះ!
សម្រាប់ការងារ ការសិក្សា ឬការរីកចម្រើនផ្ទាល់ខ្លួន នេះគឺជាជំហានដំបូងដ៏ល្អបំផុតសម្រាប់អ្នក។

📞 ទាក់ទងមកយើងតាមលេខ៖ 086 781 737 / 085 777 120