ហេតុអ្វីត្រូវជ្រើសរើសវិទ្យាស្ថាន IT Academy STEP ជាជាងស្ថាប័នអប់រំដ៏ទៃទៀត?

ការសម្រេចចិត្តរកកន្លែងដែលត្រូវសិក្សា និងទទួលការអប់រំគឺសំខាន់ដូចគ្នាទៅនិងការសំរេចចិត្តជ្រើសរើសមុខវិជ្ជាដើម្បីសិក្សាដែរ។ ខណៈពេលដែលជ្រើសរើសកន្លែងសម្រាប់ការសិក្សារបស់អ្នក អ្នកគួរតែពិចារណាលើចំនុចជាច្រើន។ យើងចង់បង្ហាញអំពីអត្ថប្រយោជន៍ខ្លះនៃការសិក្សានៅ IT Academy STEP Cambodia។

ដូច្នេះតើអ្នកអាចរំពឹងអ្វីខ្លះពីការសិក្សានៅវិទ្យាស្ថាន IT Academy STEP Cambodia ហើយហេតុអ្វីបានជានិស្សិតរាប់រយនាក់ជ្រើសរើសយក STEP?

គ្រូបណ្តុះបណ្តាលរបស់យើងគឺជាអ្នកជំនាញអាជីព

គ្រូបណ្តុះបណ្តាលរបស់យើងគឺមានទាំងជនបរទេសនិងជនជាតិខ្មែរ ម្នាក់ៗសុទ្ធតែជាអ្នកជំនាញក្នុងវិស័យរបស់ពួកគេ។ មានគ្រូជនជាតិមកពី១០ប្រទេសជាងកំពុងបង្រៀននៅ IT Academy STEP Cambodia ដែលនេះអាចធានាបាននូវបទពិសោធន៍សិក្សាបែបអន្តរជាតិយ៉ាងពិតប្រាកដ។ ពួកគេម្នាក់ៗសុទ្ធតែមានជំនាញវិជ្ជាជីវៈច្បាស់លាស់នៅក្នុងមេរៀនដែលពួកគេកំពុងបង្រៀនហើយក៏យល់ច្បាស់អំពីអ្វីដែលជាតម្រូវការនៅកន្លែងធ្វើការផងដែរ។ ដូច្នេះការរៀនសូត្រជាមួយ STEP និស្សិតមិនត្រឹមតែរៀនតែទ្រឹស្តីប៉ុណ្ណោះទេ ប៉ុន្តែថែមទាំងទទួលបានការយល់ដឹងនិងការណែនាំអំពីវិជ្ជាជីវៈពីអ្នកជំនាញរបស់យើងទៀតផង។

ផ្ដោតលើជំនាញនិងការអនុវត្តន៍

ប្រហែលជា ៨០ ភាគរយនៃឯកសារបណ្តុះបណ្តាលផ្ដល់ឱ្យតាមរយៈការអនុវត្តន៍ជាក់ស្តែង កម្រងសំណួរ និងគម្រោងនានា។ កម្មវិធីសិក្សារបស់យើងផ្តោតទៅលើការពង្រឹងជំនាញជាក់ស្តែងដែលពាក់ព័ន្ធ ដែលវានឹងជួយសិស្សរបស់យើងក្នុងការបំពេញការងារថ្ងៃអនាគត។ ជារៀងរាល់ឆ្នាំក្រុមការងារ IT Academy STEP ពិនិត្យឡើងវិញនូវកម្មវិធីសិក្សា និងធ្វើការកែទម្រង់ដើម្បីធ្វើឱ្យប្រាកដថាកម្មវិធីសិក្សាពាក់ព័ន្ធជាមួយទីផ្សារការងារ។ យើងក៏មានការសហការជាមួយក្រុមហ៊ុនជាច្រើនដើម្បីធានាថាយើងស្គាល់ពីអ្វីដែលជាតំរូវការផ្នែកការងារ ដែលជួយអោយសិស្សអាចរៀបចំខ្លួនដើម្បីធ្វើការជាមុន។ នៅពេលសិក្សាជាមួយ STEP សិស្សធ្វើការលើគម្រោង និងកសាងportfolio របស់ពួកគេ។ ដូច្នេះនៅពេលពួកគេបញ្ចប់ការសិក្សាពួកគេអាចធ្វើបង្ហាញជំនាញនិងសមត្ថភាពរបស់ពួកគេបានយ៉ាងច្បាស់។

ជំនួយក្នុងការស្វែងរកការងារ

គោលដៅរបស់យើងគឺភាពជោគជ័យនៃការទទួលបានការងារធ្វើរបស់សិស្សក្រោយបញ្ចប់ការសិក្សា។ IT Academy STEP មានកិច្ចព្រមព្រៀងភាពជាដៃគូជាមួយក្រុមហ៊ុនក្នុងស្រុកនិងអន្តរជាតិ ដែលជួយផ្ដល់ការងារធ្វើដល់សិស្ស។ យើងផ្តល់សិក្ខាសាលានិងការបណ្តុះបណ្តាលឥតគិតថ្លៃអំពីរបៀបបង្កើតប្រវត្តិរូបការងារសង្ខេបដែលសំខាន់សម្រាប់ការដាក់ពាក្យធ្វើការ, របៀបសរសេរលិខិតអមឯកសារដាក់ពាក្យធ្វើការ និងត្រៀមខ្លួនសម្រាប់ការសម្ភាសន៍ការងារ។ ក្នុងអំឡុងពេលធ្វើបទបង្ហាញក្នុងពេលបញ្ចប់ការសិក្សា សិស្សនឹងជួបជាមួយអ្នកជំនាញដែលមានបទពិសោធន៍ផ្ទាល់ដែលផ្តល់យោបល់និងដំបូន្មានដ៏មានតម្លៃអោយសិស្ស ហើយសិស្សមួយចំនួនទៀតត្រូវបានផ្តល់ការងារឱ្យភ្លាមៗបន្ទាប់ពីបញ្ចប់ការសិក្សារួច។

សន្សំសំចៃពេលវេលានិងថវិកា

កម្មវិធីជំនាញអន្តរជាតិរបស់ IT Academy STEP Cambodia ចំណាយពេលសិក្សាតែ ២ឆ្នាំកន្លះតែប៉ុណ្ណោះ។ ចាប់ពីវគ្គសិក្សាដំបូង សិស្សអាចចាប់ផ្តើមរៀនជំនាញវិជ្ជាជីវៈដោយមិនចាំបាច់ខាតពេលវេលាដើម្បីសិក្សាមុខវិជ្ជាទូទៅទេ។ IT Academy STEP ទទួលយកសិស្សចាប់ពីអាយុ ១៥ឆ្នាំឡើងទៅ។ សិស្សមួយចំនួនដែលបានសិក្សាជាមួយ STEP ចាប់តាំងពីវិទ្យាល័យមក ទទួលបានទាំងការអប់រំទូទៅនិងការអប់រំព័ត៌មានវិទ្យា(IT)។ ដូច្នេះជំនួសឱ្យការសិក្សារ ៤ ឬ ៥ ឆ្នាំនៅសាកលវិទ្យាល័យ សិស្សរបស់ពួកយើងអាចទទួលបានជំនាញដោយគ្រាន់តែសិក្សាររយៈពេល២ឆ្នាំកន្លះប៉ុណ្ណោះ។

បេសកកម្មរបស់ IT Academy STEP គឺនាំមកនូវការអប់រំប្រកបដោយគុណភាពអន្តរជាតិដែលមានតំលៃសមរម្យសម្រាប់សិស្ស និងនិស្សិតជាច្រើននៅក្នុងប្រទេសកម្ពុជា។ ហេតុដូច្នេះហើយទើបតម្លៃសិក្សានៅកម្ពុជាគឺទាបជាង ២ដងនៃតម្លៃសិក្សានៅតាមសាខា STEP ផ្សេងៗទៀតនៅអឺរ៉ុប។ សិស្សបង់ថ្លៃសិក្សាដែលក្នុងតម្លៃនោះគឺបានគិតរួមបញ្ចូលទាំងថ្លៃសម្ភារៈសិក្សា ការបញ្ជាក់វិញ្ញាបនបត្រអន្តរជាតិ និងការប្រឡងរួចរាល់ជាស្រេចហើយ។ ប្រសិនបើយើងប្រៀបធៀបអំពីថ្លៃសិក្សានៅ IT Academy STEP Cambodia រយៈពេល២ឆ្នាំកន្លះទៅនឹងថ្លៃសិក្សាជាមធ្យមនៅសាកលវិទ្យាល័យអន្តរជាតិនានានៅកម្ពុជាវិញ និស្សិតនឹងមើលឃើញច្បាស់ថាក្នុងករណីខ្លះថ្លៃសិក្សាគឺទាបជាង ៣ ឬ ៤ ដងឯណោះ! ដូច្នេះការសិក្សាជាមួយ IT Academy STEP Cambodia អាចជួយសន្សំសំចៃពេលវេលានិងថវិការបស់អ្នកថែមទាំងមិនធ្វើឱ្យខូចគុណភាពនិងឱកាសទៅរកភាពជោគជ័យនាពេលអនាគតរបស់អ្នកឡើយ!