យុវជន៩០ភាគរយប្រឈមនឹងឧបសគ្គ ថាតើត្រូវធ្វើដូចម្តេចដើម្បីជ្រើសរើសកន្លែងដែលល្អបំផុតសម្រាប់ការសិក្សាហើយនិងប្រាកដថាការអប់រំនេះនឹងផ្តល់ផលប្រយោជន៍សម្រាប់ការអភិវឌ្ឍអាជីពឱ្យជោគជ័យ? យុវជនមួយចំនួនពឹងផ្អែកលើយោបល់របស់សាច់ញាតិនិងមិត្តភក្តិរបស់គេហើយក៏ធ្វើតាមយោបល់ដែលបានទទួលមក ប៉ុន្តែយុវជនខ្លះទៀតកំពុងតែធ្វើការស្រាវជ្រាវដើម្បីប្រៀបធៀបនូវជម្រើសផ្សេងៗដែលគេបានរកឃើញទាំងអស់នោះ ហើយធ្វើការសម្រេចចិត្តដោយខ្លួនឯង។
អត្ថបទនេះនឹងជួយអ្នកដែលស្ថិតនៅក្នុងស្ថានភាពទាំង២ករណី វានឹងណែនាំអ្នកនូវជំហានសំខាន់ៗមួយចំនួនដើម្បីឱ្យអ្នកធ្វើការសម្រេចចិត្តបានដោយឈ្លាសវៃ។
ស្គាល់ខ្លួនឯងនិងអ្វីដែលអ្នកប្រាថ្នាចង់បាន
ខុងជឺដែលជាទស្សនវិទូនិងអ្នកនយោបាយបុរាណចិនដ៏ល្បីល្បាញម្នាក់បាននិយាយថា “ជ្រើសរើសការងារដែលអ្នកស្រឡាញ់នោះអ្នកមិនចាំបាច់ធ្វើការសូម្បីតែមួយថ្ងៃក្នុងជីវិតរបស់អ្នកឡើយ”។ ពាក្យសម្ដីរបស់គាត់គឺពិតជាត្រឹមត្រូវ បើទោះបីជាវាកន្លងផុតទៅរាប់ពាន់ឆ្នាំនៃអាយុកាលដែលគាត់ធ្លាប់បានរស់នៅក៏ដោយ។ នៅពេលអ្នកស្រឡាញ់អ្វីដែលអ្នកកំពុងធ្វើ មានការចុះសម្រុងជាមួយមិត្តរួមការងាររបស់អ្នក ហើយរីករាយជាមួយពេលវេលារបស់អ្នក នោះអ្នកនឹងមានអារម្មណ៍ល្អហើយក៏អាចបំផុសគំនិតថ្មីៗឡើងមកដែរ។ នេះហើយជាមូលហេតុដ៏សំខាន់ដែលអ្នកត្រូវស្គាល់ពីខ្លួនឯងនិងអ្វីដែលអ្នកតែងតែប្រាថ្នាចង់បាន រួចហើយដើរតាមផ្លូវរបស់ខ្លួនយើងដើម្បីបង្កើតជីវិតមួយដែលជារបស់ខ្លួនឯង។
ដើម្បីកំណត់ការប្រាថ្នាចង់បានរបស់អ្នក វិធីដ៏ល្អបំផុតគឺត្រូវស្តាប់ពីអារម្មណ៍របស់ខ្លួនឯងដូចជា៖កិច្ចការអ្វីដែលអ្នកពេញចិត្ត ហើយកិច្ចការអ្វីដែលនាំឱ្យអ្នកតានតឹង។ សង្កេតមើលអ្នកដទៃនិងព្យាយាមមើលថាអ្វីដែលធ្វើឱ្យអ្នកចង់ដឹង ចង់រៀន និងចង់ចូលរួមធ្វើ។ បើអ្នកនៅក្មេងហើយកំពុងតែគិតពីអ្វីដែលគួរសិក្សានិងអាជីពអ្វីដែលត្រូវជ្រើសរើស យើងសូមណែនាំឱ្យអ្នកសាកល្បងការងារផ្សេងៗឱ្យបានច្រើន ប៉ុន្តែត្រូវប្រាកដថាជំនាញទាំងនោះពាក់ព័ន្ធនឹងការងារសម័យបច្ចុប្បន្ន ហើយបានប្រាក់ចំណូលគួរសម និងមានតម្រូវការការងារ។
ប្តេជ្ញាខិតខំប្រឹងប្រែងនិងមានពេលវេលាគ្រប់គ្រាន់សំរាប់ការសិក្សារបស់អ្នក
ការសិក្សាតាមបែបវិទ្យាសាស្ត្របានរកឃើញថា និស្សិតភាគច្រើនដែលទទួលបានភាពជោគជ័យចំណាយពេលរបស់ពួកគេដើម្បីសិក្សានិងអនុវត្តយ៉ាងតិច១០.០០០ម៉ោង។ បើអ្នកអនុវត្តកាន់តែច្រើនអ្នកនឹងទទួលបានលទ្ធផលកាន់តែប្រសើរ។ មូលហេតុនេះហើយដើម្បីក្លាយជាអ្នកជំនាញជោគជ័យ ទេពកោសល្យធម្មជាតិរបស់អ្នកមានសារៈសំខាន់តិចជាងការប្តេជ្ញាចិត្តនិងពេលវេលាដែលអ្នកខំចំណាយលើការងារ ដូចជាការប្រឹងប្រែងអានរឺក៏ការព្យាយាមសង្កេតលើអ្នកដ៏ទៃពីរបៀបដែលគេធ្វើការសិក្សា។ ពេលខ្លះនិស្សិតមានការព្រួយបារម្ភថាពួកគេមិនឆ្លាតគ្រប់គ្រាន់ក្នុងការរៀនជំនាញDesign ឬ Programming ប៉ុន្តែតាមពិតទៅ មានតែអ្នកដែលតស៊ូព្យាយាមនិងខិតខំធ្វើការកែលំអលើជំនាញរបស់ពួកគេប៉ុណ្ណោះទើបទទួលបានជោគជ័យ។ ដូច្នេះសូមកុំបញ្ឈប់ខ្លួនអ្នកមិនឱ្យឈានដល់រកក្តីស្រមៃរបស់ខ្លួនឯងអី! វាមានតែធ្វើឱ្យអ្នកមានអារម្មណ៍បាត់បង់ទំនុកចិត្តលើសមត្ថភាពរបស់អ្នកដែលមានក្នុងពេលឥឡូវនេះទេ។ ភាពប៉ិនប្រសប់ប្រៀបដូចជាផ្កា ពួកគេត្រូវការពេលវេលាដើម្បីលូតលាស់ហើយពួកគេនឹងរីកស្គុះស្គាយប្រសិនបើពួកគេទទួលបានការថែទាំគ្រប់គ្រាន់។
គួរតែពង្រឹងជំនាញឱ្យប្រសើរ មិនមែនគ្រាន់តែប្រមូលក្រដាសសញ្ញាប័ត្រប៉ុណ្ណោះទេ
ការអប់រំនិងការសិក្សាត្រូវការពេលវេលា។ កម្មវិធីសិក្សាជំនាញវិជ្ជាជីវៈអាជីពនៅសាលា IT Academy STEP Cambodia ត្រូវការចំណាយរយៈពេល២,៥ឆ្នាំដើម្បីសិក្សាជំនាញនិងត្រៀមខ្លួនឱ្យរួចរាល់ដើម្បីធ្វើការងារដំបូងរបស់អ្នក ដែលវាមានសភាពលឿនជាងកម្មវិធីសិក្សាថ្នាក់បរិញ្ញាបត្រព្រោះយើងមិនចំណាយពេល១ឆ្នាំដើម្បីសិក្សាមុខវិជ្ជាគ្រឹះទេ ប៉ុន្តែពួកយើងនឹងបង្រៀនមេរៀនទៅសិស្សឱ្យចំគោលដៅតែម្ដង។ ៦០%នៃនិស្សិតរបស់យើងមានការងារធ្វើសូម្បីតែក្នុងអំឡុងពេលសិក្សា ហើយ១០០%នៃនិស្សិតដែលបញ្ចប់ការសិក្សាមានការងារធ្វើក្នុងរយៈពេល៣ខែបន្ទាប់ពីពួកគេរៀនចប់។ ដើម្បីទទួលបានការងារដែលមានប្រាក់ខែខ្ពស់ផ្នែកព័ត៌មានវិទ្យា អ្នកត្រូវការមានជំនាញនិងគំរោងជាច្រើនដើម្បីបង្ហាញបូករួមទាំងវិញ្ញាបនប័ត្រអន្តរជាតិផងដែរ។ ហើយទាំងអស់នេះជាអ្វីដែលសាលា IT Academy STEP Cambodia អាចផ្តល់ជូននិស្សិតបាន។ អ្នកប្រហែលជាគិតថាសញ្ញាប័ត្រអនុបណ្ឌិតអាចផ្តល់ឱ្យអ្នកនូវប្រាក់ខែល្អប្រសើរ ប៉ុន្តែតាមពិតទៅថៅកែរបស់អ្នកមិនសូវយកចិត្តទុកដាក់ទៅលើសញ្ញាប័ត្ររបស់អ្នកប៉ុន្មានទេ ប៉ុន្តែគេយកចិត្តទុកដាក់លើភាពប៉ិនប្រសប់របស់អ្នកជាង។
សេដ្ឋកិច្ចឌីជីថលកំពុងអភិវឌ្ឍយ៉ាងលឿនហើយវាត្រូវការអ្នកជំនាញជាច្រើនដែលអាចសម្របខ្លួនបានឆាប់រហ័ស អាចរៀនផងធ្វើការផងនិងអ្នកដែលចូវចិត្តចង់រៀនអ្វីថ្មីៗ។ ហេតុដូច្នេះហើយការផ្តោតទៅលើការរៀនជំនាញអ្វីមួយគឺជាការសម្រេចចិត្តដ៏ល្អបំផុតដែលអ្នកអាចធ្វើសម្រាប់ជីវិតរបស់អ្នក។
យើងសង្ឃឹមថាចំនុចទាំង៣ខាងលើនេះអាចជួយជម្រុញអ្នកក្នុងការធ្វើការសម្រេចចិត្តមួយដែលមានភាពល្អប្រសើរសំរាប់ជីវិតរបស់អ្នក ដែលការសម្រេចចិត្តត្រឹមត្រូវនឹងនាំមកឱ្យអ្នកនូវសេចក្តីរីករាយនិងភាពជោគជ័យ។ ប្រសិនបើអ្នកសំរេចចិត្តសិក្សាជំនាញឌីជីថល IT Academy STEP នៅទីនេះដើម្បីជួយអ្នកក្នុងការធ្វើដំណើរដ៏វែងឆ្ងាយមួយនេះ ហើយយើងក៏ផ្តល់ឱ្យអ្នកនូវការអប់រំដែលមានគុណភាពបែបអន្តរជាតិផងដែរ។
